أفكار بعد الجواز

دى حاجات استفدت منها بعد الجواز .👸👰👍

١- الحلل الصاج بتشيط اللبن جدا حتى لو نوع كويس.

٢-اللهلوبه حلوة اوى للتنظيف بتلمع اى حاجه.

٣- الجوانتى ده اختراع هايل لاى حاجه.🌷

٤- مفارش الثلاجه مع الوقت بتبوظ الثلاجه والفريون وبتجيب مايه كمان بلاش منها لانها عملت معايا كده بعد ٥ سنين ومصدقتش الا لما عملت كده وده كلام مهندس الصيانه.🌷

٥-الحلل الاستانلس لازم تهدى النار عليها عشان الاكل هيعمل ريحه لو النار عاليه.

٦-كيك شيف افضل من بيكنج بودر كتير.👌

٧- عجينه البيتزا عاوزة زبادى او لبن بودرة عشان تظبط
 ومتبقاش ناشفه.

٨-هاتى زيت جوز هند خام والاصلى بيكون مجمد في الشتا سيحيه في مايه سخنه وامسحى بيه وشك بقطنه هيخليها حرير.✔

٩-لازم تعملى اسكراب لوشك مره فى الاسبوع على الاقل عشان الجلد الميت يروح.

١٠-هاتى راديو في المطبخ واظبطيه على اذاعه القران الكريم بيتك كله هيكون بركه.🔴

١١- مش عاوزة البصل يدمع العين حطيه في الثلاجة شويه.

١٢-حطى العيش في علبه ثلاجه في الفريزر عشان الرده بتسد الفتحات.
١٣-مسك الطهارة ده اختراع نظافه وريحه ملهمش حل.

١٤- حطى حصاله فوق ثلاجتك حطى فيها الفلوس الفكه وكل اسبوع طلعى منهم حاجه لله او هاتى حلويات وفرحى الاطفال.🤗😍😍😍😍😍😍😍😍😘😘
١٥-حاولى تلمى الغسيل وقت الظهريه تكون الشمس جت عليه لو لمتيه بليل ريحته مش هتبقى بحلاوة الظهر.
كفايه كده ونكمل في بوست تانى عشان ايدى وجعتنى 😍
ملحوظة كل الحاجات دى انا مجرباها شخصيا وحبيت افيدكم.....
  دعوه حلوة بقى منكم ❤
#منقول
يلا استفادوا يا حوريات وادعولي دعوة حلوة ولكم اضعافها يارب 💙💙🌼

نصائح لاختيارات قبل الجواز للشقه

بنات انا متجوزة من 4 سنين ودي شوية حاجات خلو بالكم منها
*بلاش بلتكانات الستاير ع المواسير اشيك واسهل ف النضافة
* الستارة البلاك اوت مهمةلو عندك مساحة الشباك كبيرة او فيها شمس عشان احيانا بتبوظ الستاير
*السجاد مايبقاش كبير افضل ف تتضيفه وبلاش فواتح
*التكيف السخن وبارد مالوش لازمة هاتو البارد بس
*السرير اللي ضهره بييقى فيه زيادة ع الجمبين بيبقى مش عملي خالص لما تحبي تغيري مكانه
*الدواليب الجرار صعبة جدا مع الاطفال حاولو تعملوها بمفاتيح
*دورو على استايل للتسريحة تكون مرايتها اطول مش مدورة عشان هتحتاجو تشوفو الطقم كله ده لو مش متاح مرايات تاني
*البلاط السادة افضل من بلاطة وبلاطة
* لو لسة بتشطبو خلو حيطة المطبخ كلها سيراميك
*لما بتشترو المرتبة اشترو خدادية واحدة بس طويلة
*بلاش استايل الركنة او الانتريه اللي فيه خداديات كتير هتزهقو من كركبتهم على طول
*اعملو زي نظام خزنة او درج بمفتاح ف الدولاب هيفيدكم
*بلاش نيش لو تقدرو ياريت وبلاش تكترو ف المواعين والحلل والمفارش بجد هتتعبو جدا من الزحمة
* ورق الحائط مش عملي اوي عايز اماكن مافيهاش القعدة اليومية
* باب الحمام لو ينفع مايبقاش خشب ياريت
* الخشب المزخرف ف العفش بيبقى متعب ف تنضيفه خلو كل حاجة بسيطة من غير زخرفة كتير
*بلاش الحجم الكبير ف العفش
* السراير او الدواليب او الركنة او ... ياريت يبقو عاليين ع الارض شوية او بارجل لو ينفع تعملو كده يااااريت عشان التنضيف
* المراوح افيد النجف اشيك
* وجود شاشة ولو صغيرة ف اوضة النوم مريح
* اخيراا بصو للحاجة من منظور الاريحية وهل عملية مع الاولاد ولا لا عشان هما كام شهر بس هتفرحي بالشياكة وبعد كده هتلاقي نفسك تايهة ف كل اللي حواليكي
ده اللي فكراه دلوقتي لو حد عنده حاجة تاني يزود عشان كلنا كنا محتاجين حد يقول كده

الغساله فوق الاوتوماتيك

بنات مين هنا بتشتكي من غسالتها الفوق اوتوماتيك ؟

ركزو معايا بقي
لقيت الحل علي بيدج اجنبي وبقيت اعمل كدة وكنت خلاص زهقت منها اوي وهبيعها بس خلاص لغيت الفكرة تمامااااا وبتنضف احسن من الاوتوماتيك اللي بابها من قدام بمراحل
اجمعو على ما اكتب البوست وهتدعوووولي

عيب الغسالة الفوق اوتوماتيك ان دورة غسيلها قصيره مثلا لو الغسالة العادية بتغسل نص ساعة دي بتغسل ١٢ دقيقة بس
الحل بقي ايييييييييه
١-تشغلي البرنامج ٣ مرات او مرتين علي الغسيل فقط بدون شطف ولا عصر
وبعدين تشغلي البرنامج كاااامل بالشطف والعصر
❗️بس الاول تحطي المسحوق والكلوروكس وبعدين تزودي الميا وتلف لفتين وتحطي الهدوم عشان المسحوق يدوب كويس وميعلمش في الغسيل
٢- الفلتر يتنضف كل غسلة تحت الحنفية بفرشة اسنان
٣- تستعملي مسحوق كويس اوتوماتيك او عادي المهم يكون نوعه كويس ومعاه كلوروكس ابيض او الوان علي حسب الغسيل
٤- لو هتحطي داوني تحطيه في ازازة ميا صغيرة وتزوديه ميا لاخرها وترجيه وتحطيه في اخر شطفة لانه قبل كدة بيروح ومن غير موضوع الازازة بيعلم في الهدوم
٥- لو بتحطي زهرة عالغسيل الابيض بيتحط زي الداوني في مرحلة اخر الشطف وبيتدوب بنفس الطريقة
٦- اخر واهم نقطة هي انك تسيبي ربع الغسالة فاضي عشان الهدوم تلف براحتها وتتغسل وتنضف جدا
☑️ لو الغسيل بيتقطع يبقي قللو الكمية لانه مع العصر بيتحشر في جزء في الغساله ويتشد يقوم مقطوع
وممكن يكون القطع بسبب ان الكلور  جه عالهدوم مباشرةً فعمل تآكل في نسيج الغسيل
☑️ لو الغسيل بيوبر اتاكدو انكو بتغسلو على درجة حرارة منخفضة عشان المية السخنة بتوبر الهدوم وكمان متحطوش الفوط او الشرابات مع الهدوم العادية عشان بتطلع وبره عالغسيل
☑️ كل ٣ اسابيع او شهر بالكتير تعملي دورة خل للغسالة بتفضي ازازة خل  كاملة وتشغلي بروجرام تنضيف الحوض
جربو الحاجات دي والله هتدعولي هتلاقو الغسيل بيبرق من النضافة

والابيض بالذات انا بغسله مرتين على أعلى حرارة بنفس الطريقة عشان يطلع فلة

وفيها ميزة انها بتسحب ميا اقل من الاوتوماتيك العادية وكمان موفرة في مسحوق العسيل لانها بتاخد مسحوق عادي مش لازم اوتوماتيك بس انا بحب استعمل نص ونص
ودعوة حلوة بقي للي حست البوست مفيد واي سؤال اكتبولي

تنظيف الغسيل الابيض

السلام عليكم يا قمرات
البوست للناس اللي عندها مشكله مع الهدوم البيضا الداخلي
ومع الوقت بتلاقي لونها مش حلو
اولا انا بعمل صابون في البيت من بواقي الزيت بيفرق كتير في النضافه
باخد الهدوم ع البانيو او في طبق واغسلها بميه فقط
تنزل التراب او العرق اللي فيها
برمي الميه دي واحطهم في ميه وبرسيل بسيط جدا وقليل من الكلور
املا الغساله الهاف ميه وابشر صابون من بتاعي واغسل الابيض فيه
خلصت دوره ببشر الصابون
ارمي الميه واملا ميه جديده ومسحوق وكلور وبشر صابون
واغسل الهدوم
حقيفي بتطلع فله وشمعه منوره لون ونضافه وربحه
في التشطيف بضيف خل او عصير ليمون لان الخل حمضي والمساحيق قلوي فالخل يعادلهم والهدوم ميكونش فيها اي اثر لصودا ولا كلور
منقول 

لنظافه تلاجتك

يا جماعه انتو ليه مش بتعملوا  الثلاجه سهل جدا
نص جلانس ونص خل وترشي وتسبيه شويه وتمسحي بفوطه مبلوله وترجعي تلاجتك جديده

عشان الموز ميستويش بسرعه

السلام عليكم اخواتى
جربت حاجه ويارب تنفعكم الموز نحط  ورق فويل ميستويش بسرعه ولا يجيب هاموش لو رشيتى ببخاخ خل على السيراميك المجير وعشر دقاءق تدعكيه التجيير هيروح  الهاموش رشيه مياه بخل مرايه الحمام لو لمعتيها بخل مش هتبخر وجهاز تسخين الساندوتشات حطى فيه ورق زبده هيبقى نضيف بءاستمرار .. الاذكار اول ماتدخلى سريرك زى مارسولنا وصى بها ابنته فاطمه لتعينها على اعمالها سبحان الله ٣٣والحمد لله٣٣والله اكبر٣٤ ....اناقصدى راس الموز بس
منقول

لنظافه مطبخك

شوية حاجات تخلي مطبخك نظيف باستمرار أيا كان نوعه وشكله ومساحته ☺
بصي يا شطورة 👀

1 ⤴حطى على الكونتر طبق بلاستيك نضفي وقشري فيه الخضار وقشر البصل والبيض وهيبقى سهل ترمي اللي فيه وتغسليه بسهولة

2 ⤴كل حاجة تفضى من طقم التوابل اغسليها بميه سخنة او في غسالة الاطباق قبل ما تحطي فيها الجديد
عشان الزيوت ومكان مسك اليد والروائح متعملش طبقة عليها وتفضل علطول بتلمع.

3 ⤴هاتي طاسة قلي جرانيت عن تجربة وبلاش التيفال مهما كان نوعه لان لونها بيقي زي فحم الكوك وتبقى مضرة مع تقشير طبقة التيفال.

4 ⤴مناديل المطبخ اللى بتترمى بتحافظ لك على نظافته دايما اكثر من الفوط

5 ⤴حطي 2فوطة مطبخ صغيرة كالآتي :
واحدة لتنشيف إيدك باستمرار وانت في المطبخ
وواحدة على باب الفرن تفتحي وتقفلي وتمسكي صواني وهو سخن مع جوانتي سيلكون

6 ⤴ولو حاجة فارت عالبوتجاز والنار شغالة وحرقتها بدل ما الدعك رشي عليها بيكربونات وخل هيعمل فوران لطيف سيبيه 5 دقايق وامسحيه بفوطة مبلولة هيبقي فلة😎

7 ⤴فضي التلاجة كل يوم من العلب الفاضية والأطباق والحلل اللي ملهاش لازمة

8 ⤴اكنسي المطبخ يوميا بالمكنسة افضل
النمل ما بيصدق فرصة الفتافيت. 🐜

9⤴مش لازم تغسلي بالاسفنجه كل حاجه استغني عنها ان قدرتي ودايما استخدمي الفرشه الي ليها ايد افضل وهتحافظ علي ايدك من تدمير صابون الاطباق .

10⤴لو عندك بويلر او غلاية نضفيها أسبوعيا من جوة بميه وخل سبيهم يغلو ومن الخارج نظفيها وملح الليمون وهم وهم😍

11⤴خرجي القمامة يوميا بره البيت وكل شهر رشي من كيس بودرة الصرصير الاخضر في الاركان وقدام عتبة بابك علشان الصرصير اللي جاية من عند الجيران ما تفكرش تزورك😜😜
#منقول